Straumur, dótturfélag Kviku banka, er nýtt greiðslumiðlunarfyrirtæki á íslenskum markaði. Straumur leggur áherslu á að vera leiðandi í fjártækni og veita framúrskarandi þjónustu. Okkar tilgangur er að auðvelda söluaðilum lífið með fjölbreyttum og öruggum greiðslulausnum til að taka á móti greiðslum, meðal annars í gegnum posa og á netinu.

Straumur-Video-3min16max-mbRate.mp4

Við sameinum á einum vettvangi allar helstu greiðslulausnir, þar á meðal posa- og veflausnir

Straumur-4icon-json-08.json

Posar

Taktu við greiðslum á netinu með þeim hætti sem þér hentar

Veflausnir

Við höfum tekið saman algengar spurningar og svör fyrir söluaðila sem eru að uppfæra úr eldri lausnum yfir í greiðslulausnir Straums í samstarfi við Adyen.

Ertu að skipta yfir í nýjar greiðslulausnir Straums?

Straumur

Þjónustuver Straums er opið alla virka daga 9 – 16

Straumur hættir að styðja við greiðslulausnir Rapyd 1. nóvember 2025

Straumur er nú á lokasprettinum með að færa greiðslulausnir sínar frá Rapyd yfir til Adyen, alþjóðlegs færsluhirðis sem er leiðandi á sínu sviði í Evrópu, en meðal fyrirtækja sem nýta sér lausnir Adyen eru Spotify, Microsoft og H&M. 

Samstarf Straums við Adyen var tilkynnt í byrjun árs 2024. Með því að flytja allar tengingar greiðslukerfa til Adyen tekur Straumur mikilvægt skref í að styrkja þjónustu sína við viðskiptavini og skapa traustari grunn fyrir framtíðina. 

Lilja Ólafsdóttir, framkvæmdastjóri Straums: 
 „Með þessari uppfærslu fá söluaðilar aðgang að nútímalegri tæknilausn. Markmið okkar er að bjóða upp á öruggari og skilvirkari greiðslulausnir sem styðja söluaðila í að skapa betri upplifun fyrir sína viðskiptavini. Við hlökkum til að vinna áfram með viðskiptavinum okkar að því að byggja upp greiðslulausnir framtíðarinnar.“ 

Söluaðilar Straums, sem enn nýta lausnir í gegnum Rapyd, þurfa að uppfæra yfir í nýju lausnirnar fyrir 1. nóvember 2025, þar sem stuðningi Straums við lausnir Rapyd verður hætt frá og með þeim degi.  

💡 Sjá algengar spurningar spurningar um uppfærsluna hér

Straumur vinnur náið með þjónustuaðilum að yfirfærslunni og hvetur söluaðila til að hafa samband við sinn þjónustuaðila eða þjónustuteymi Straums til að tryggja að ferlið gangi hnökralaust fyrir sig. 

Ef þú hefur spurningar eða þarft aðstoð, ekki hika við að hafa samband:  

Þjónustuteymi: straumur@straumur.is  

Þróunarteymi: developers@straumur.is  

Við hlökkum til áframhaldandi samstarfs með nýrri og öflugri greiðslulausn.  



Straumur eflir greiðslulausnir í samstarfi við Adyen 

Rannsókn Adyen sýnir að 1 af hverjum 2 neytendum hættir við kaup ef greiðsluferlið er ekki í takt við væntingar þeirra. Til að umbreyta áhugasömum vafrara í raunverulegan kaupanda þurfa verslanir að skilja hvernig viðskiptavinir vilja versla – og bregðast við því með réttu lausnunum.

46% af Gen Z kjósa að versla hjá söluaðilum sem bjóða upp á kaup í gegnum samfélagsmiðla.

51% neytenda hætta við kaup ef þeir geta ekki greitt með þeim hætti sem þeim hentar.

Þetta er meðal þess sem kemur fram í Adyen's Retail Index 2025 sem veitir innsýn í kauphegðun og aðgerðir sem verslanir geta gert til að mæta breyttum kröfum neytenda.

Hvernig vilja viðskiptavinir versla?

Við höfum bætt við lausn fyrir fyrirtæki sem bjóða upp á áskriftir eða reglulegar greiðslur. Með endurteknum greiðslum í gegnum Straum geturðu boðið upp á greiðsluflæði sem einfaldar lífið fyrir bæði viðskiptavini og starfsfólk.

Viðskiptavinir þurfa aðeins að skrá kortaupplýsingar einu sinni – eftir það eru greiðslur innheimtar sjálfkrafa samkvæmt greiðsluáætlun. Lausnin byggir á öruggri tokenization-tækni og hentar vel fyrir klúbba, þjónustu sem greitt er fyrir mánaðarlega og aðrar endurteknar innheimtur.

Þú færð:
– Einfaldari greiðsluflæði fyrir áskriftir
– Örugg og vottuð vistun greiðsluupplýsinga
– Sjálfvirka innheimtu og betri yfirsýn í stjórnborðinu

Hafðu samband ef þú vilt bæta við áskriftargreiðslum fyrir þitt fyrirtæki.

Endurteknar greiðslur og áskriftir

Straumur er að færa allar bakendatengingar frá Valitor (nú Rapyd) yfir til Adyen, sem býður upp á öfluga og nútímalega tæknihögun með auknum stöðugleika, hraða og sveigjanleika til framtíðar.

Ef þú ert með greiðslutengingu í gegnum Valitor, þarf að ljúka uppfærslu í nýja lausn Straums í síðasta lagi 30. júní 2025 til að tryggja áframhaldandi virkni greiðslna í vefversluninni þinni.

Þetta á við um viðskiptavini sem nota annað af eftirfarandi:

1. Ef þú ert með Valitor Pay (API) tengingu:

Við mælum með að uppfæra í Straums Components, sem veitir beina tengingu við greiðslugáttina.

Ef þú notar vistuð kort eða áskriftargreiðslur, þarftu einnig að virkja tokenization. Hægt er að velja milli:

🔗 Components með token greiðslumöguleika

2. Ef þú ert með greiðslusíðu Valitor:

Við mælum með að uppfæra í Straums Greiðslusíðu (Hosted Checkout) – örugga vefsíðu hýsta af Straumi þar sem greiðsla fer fram.

Lausnin er einföld í uppsetningu og Straumur styður vinsæl kerfi eins og Shopify og WooCommerce.

Við erum hér til að hjálpa. Hafðu samband:

📩 Þjónustuteymi: straumur@straumur.is
👩‍💻 Þróunarteymi (vegna API tenginga): developers@straumur.is

Er búið að flytja veftenginguna til Straums?

Heild­stæð greiðslu­lausn fyr­ir ís­lensk­an markað

Í viðtali við Morgunblaðið er fjallað um samstarf Straums við evrópska færsluhirðinn Adyen. Lesa má greinina í heild sinni hér.

Með sam­starf­inu við Adyen fær Straum­ur aðgang að einni full­komn­ustu fjár­tækni heims. Þetta þýðir að ís­lensk fyr­ir­tæki geta notið sömu fram­sæknu lausn­ir og alþjóðlegu fyr­ir­tæki á borð við HM, Spotify og Microsoft en á sama tíma fengið þjón­ustu sem er aðlöguð að ís­lensk­um þörf­um:

Nú­tíma greiðslu­lausn­ir – Vef­versl­an­ir, posaþjón­usta og stak­ar greiðslur í einu upp­gjöri.

Öflug­ur þjón­ustu­vef­ur – Aðgang­ur að gagna­grein­ing­um og ít­ar­leg­um stjórn­un­ar­verk­fær­um.

Íslenskt viðmót og þjón­usta – Upp­gjör í ís­lensk­um krón­um, teng­ing­ar við inn­lend af­greiðslu- og bók­halds­kerfi og sér­sniðnar lausn­ir fyr­ir ís­lensk­an markað.

Ein­falt og skil­virkt greiðslu­ferli – All­ar greiðslu­leiðir á ein­um stað, með ein­um samn­ingi og einu upp­gjöri.

„Hjá Adyen ein­beit­um við okk­ur að því að þróa bestu lausn­irn­ar fyr­ir fremstu fyr­ir­tæk­in. Þess vegna erum við spennt fyr­ir sam­starf­inu við Straum og söluaðila þeirra. Straum­ur hef­ur markað sér stöðu í far­ar­broddi ís­lensks greiðslu­markaðar og veit­ir söluaðilum tæki­færi til að nýta alla mögu­leika lausna okk­ar, hvort sem er í ferðaþjón­ustu, veit­ing­a­rekstri, versl­un eða öðrum geir­um.

Við hlökk­um til að inn­leiða framúrsk­ar­andi greiðslu­lausn­ir, háþróaða grein­ingu á greiðslu­gögn­um og ein­falda upp­gjörs­ferla með Straumi fyr­ir ís­lenska markaðinn í heild sinni.“ seg­ir Tobi­as Lindh, fram­kvæmda­stjóri Adyen fyr­ir Norður­lönd og Eystra­saltslönd.

Nýtt tíma­bil í ís­lenskri greiðslumiðlun

Með þessu sam­starfi er grunn­ur­inn lagður að nýju tíma­bili í greiðslumiðlun á Íslandi. Fyr­ir­tæki fá nú aðgang að full­komn­ustu greiðslu­lausn­um sem völ er á, án þess að þurfa að fórna staðbund­inni þjón­ustu eða aðlög­un að ís­lensk­um rekstr­ar­skil­yrðum.

„Við trú­um á ein­fald­leika, skil­virkni og öfl­uga þjón­ustu. Straum­ur og Adyen eru sam­an að færa ís­lensk­um fyr­ir­tækj­um greiðslu­lausn­ir framtíðar­inn­ar – og við erum rétt að byrja," seg­ir Lilja að lok­um.

Samstarf sem umbreytir greiðslulausnum á Íslandi

Straumur býður nú upp á nýja viðbót sem einfaldar greiðslur í WooCommerce netverslunum. Með viðbótinni geta verslanir tekið við kortagreiðslum, Apple Pay og Google Pay hratt og örugglega, beint í gegnum örugga greiðslusíðu Straums.

Uppsetning er einföld og tryggir hnökralausa greiðsluupplifun fyrir viðskiptavini.

Þú getur nálgast leiðbeiningar til uppsetningar hér.

WooCommerce viðbót Straums

AUR hefur flutt greiðslugátt sína til Straums. Aur og Straumur eru bæði hluti af Kviku banka, en aukið samstarf milli félaganna mun bjóða uppá skilvirkari ferla og betri þjónustu fyrir söluaðila. Straumur býður söluaðila Aurs hjartanlega velkomna.

✔ Tækifæri til einföldunar með öll kortaviðskipti á einum stað

✔ Mælaborð með skýru yfirliti yfir veltu og lykiltölur

✔ Aðgangur að færslum með leit eftir kaupdegi, upphæð, kortanúmeri o.fl.

✔ Uppgjör og gjöld sýnd á skýran og aðgengilegan hátt

✔ Auðveldar endurgreiðslur til korthafa

✔ Rafræn viðskiptayfirlit og bein bókhaldstenging við DK, Navision/Business Central, Dynamics AX o.fl.

Ef einhverjar spurningar vakna, þá erum við hér til að aðstoða! Þú getur heyrt í okkur á straumur@straumur.is

AUR færir greiðslugátt til Straums

Vegna aukinnar umræðu um bókunarsvik hjá innlendum ferðaþjónustuaðilum viljum við vekja athygli ykkar á því hvernig hægt er að fylgjast með því hvort netfærslur séu 3D auðkenndar. 
 
Bókunarsvikin virðast lýsa sér þannig að endursöluaðilar bóka ferðir hjá íslenskum ferðaþjónustuaðilum, oft með skömmum fyrirvara, og greiða með stolnum kortum. Kortin eru gefin út utan Evrópu og styðja ekki 3D Secure auðkenningu. Ferðamenn mæta í ferðirnar, en skömmu síðar berst endurkrafa frá kortafyrirtækjum þar sem gefið er til kynna að kort hafi verið stolið og að korthafi hafi ekki nýtt þjónustuna. Þar sem þessar færslur eru ekki 3D auðkenndar fellur ábyrgðin á söluaðilann. 

Á þjónustuvef Straums má skýrt sjá hvort netfærsla sé 3D auðkennd. Við hvetjum ykkur til að vera vakandi fyrir netfærslum sem merktar eru Csc án 3D auðkenningar. Undir flipanum Færslur er hægt að bæta við dálkum 3D secure og Auðkenningaraðferð.


Ef kortin eru gefin út utan Evrópu og færslurnar eru ekki 3D auðkenndar fellur endurkröfuábyrgð á söluaðila. Sérstaklega skal fylgjast vel með bókunum sem gerðar eru með skömmum fyrirvara. 

Ef þið hafið grun um að kortafærslur séu gerðar með stolnum kortum eða ef ekki er hægt að staðfesta að viðskiptavinur sé raunverulegur korthafi, mælumst við eindregið til þess að hafna bókuninni og endurgreiða færsluna. 

Við erum hér til að aðstoða. Ef þið hafið einhverjar spurningar eða þarfnist ráðgjafar í tengslum við þetta, hafið endilega samband við okkur.

Vörum við bókunarsvikum!

Við kynnum með stolti tengingu Straums við DK! Nú geturðu tengt greiðslulausnir Straums beint við öll sölukerfi DK.

Ef þú vilt byrja að nota Straum með sölukerfum DK geturðu haft samband við okkur á straumur@straumur.is.

Straumur tengist DK

Straumur leitar að jákvæðum, þjónustumiðuðum og lausnamiðuðum einstaklingum  í tímabundin hlutastörf. Helstu verkefni eru að skipta út posum fyrirtækisins hjá viðskiptavinum. Þetta er tilvalið tækifæri fyrir þá sem vilja skemmtilegt starf samhliða námi eða öðrum verkefnum.     

Æskilegt er að viðkomandi geti hafið störf sem fyrst.

Uppsetning og útskipti  á posum og greiðslulausnum .

Veita tæknilega aðstoð og leysa fjölbreytt verkefni þegar þau koma upp.

Veita framúrskarandi þjónustu til viðskiptavina.

Greining og lausn á vandamálum í samstarfi við sérfræðinga Straums.

Frábær þjónustulund og lausnamiðað hugarfar.

Hæfni til að tileinka sér nýja þekkingu hratt.

Njóta þess að vinna í hröðu, hópmiðuðu umhverfi.

Straumur, dótturfélag Kviku banka, er íslenskt fyrirtæki í greiðslumiðlun. Straumur leggur áherslu á að vera leiðandi í fjártækni og veita framúrskarandi þjónustu. Starfsumhverfið einkennist af samvinnu og sveigjanleika, með áherslu á gildi Kviku sem eru hugrekki, einfaldleiki og langtímahugsun. 

Nánari upplýsingar veitir Lilja Ólafsdóttir, Framkvæmdastjóri Straums, lilja.olafsdottir@straumur.is.

Sótt er um starfið hér á umsóknarvef Kviku.

Leitum af posaséníum í hlutastörf!

Við hjá Straumi erum ótrúlega stolt af öllu því sem hefur áunnist á þessu ári í nánu samstarfi við okkar frábæru tækniaðila Adyen ásamt öðrum sölu- og samstarfsaðilum. Þessi samstörf hafa gert okkur kleift að bjóða íslenskum fyrirtækjum framúrskarandi greiðslulausnir sem auðvelda daglegan rekstur og skapa betri upplifun fyrir viðskiptavini.

Þjónustuvefurinn – sniðinn að þörfum söluaðila

Markmið okkar er einfalt: Að vera besta greiðslumiðlunarþjónustan fyrir innlend fyrirtæki. Þjónustuvefurinn er hannaður með þarfir íslenskra söluaðila í forgrunni, og við erum þakklát fyrir allar tillögur sem hafa borist. Þær hafa hjálpað okkur að bæta þjónustuna og innleiða nýjungar sem söluaðilum okkar þykja nauðsynlegar. Við trúum því að sveigjanleiki og skjótar lausnir skipti sköpum.

Samstarf við Adyen – greiðslulausnir á heimsmælikvarða!

Með samstarfi okkar við Adyen höfum við tryggt að okkar söluaðilar geti notað sömu greiðslulausnir og stór alþjóðleg fyrirtæki á borð við Booking, Uber, Subway, Spotify og H&M. Adyen er einn stærsti færsluhirðir í Evrópu og þekktur fyrir framúrskarandi tæknilausnir.

Straums posar og nýjustu greiðslulausnirnar

Á síðustu mánuðum höfum við sett á laggirnar okkar eigin posaleigu og eru fjölmargir söluaðilar Straums nú þegar að nýta Straums posa með nýjasta hugbúnaði í samstarfi við Adyen. Nýju posarnir okkar bjóða upp á ótrúlega möguleika:

Samþætting við öll helstu sölukerfi á Íslandi.

Móttaka gjafabréfa sem einfaldar upplifun viðskiptavina.

Og svo miklu meira! Posarnir taka við fleiri tegundum af greiðslukortum, bjóða uppá myntval, þjórfé og hægt er að gefa til góðgerðamála.

Við höfum rúllað út frábærum veflausnum á síðustu misserum og erum að bæta við fleiri lausnum á næstu vikum. Við getum lofað spennandi nýjungum sem bæta upplifun söluaðila og viðskiptavina þeirra. Meðal nýjunga sem eru komnar eru:

Greiðslutenglar eru hagkvæm og einföld leið að taka við greiðslum á netinu.

Greiðslusíða Straums er örugg leið til að taka við greiðslum með kortum, Google Pay og Apple Pay.

Tenging við öll helstu vefverslunarkerfi. Við höfum innleitt viðbætur fyrir vefverslunarkerfi eins og Shopify, WooCommerce, WordPress, SmartWebber og fleiri á leiðinni.

Árið hefur einkennst af hraða, vexti og nýsköpun – og þetta er aðeins byrjunin. Við þökkum viðskiptavinum okkar og öllum tæknifyrirtækjum sem hafa tekið þátt í þessu ferðalagi með okkur. Við hlökkum til nýrra áskorana á næsta ári og erum full af eldmóði fyrir áframhaldandi vöxt.

Við þökkum traustið og frábært samstarf á árinu sem er að líða,

Metnaðarfullt ár að baki og spennandi tímar framundan 🚀

Það er ávinningur bæði fyrir söluaðila og viðskiptavini að bjóða upp á örugg kortaviðskipti. Með því að nýta sterka auðkenningu, eins og 3D Secure, er hægt að auka öryggi kortafærslna og lágmarka hættuna á sviksamlegum viðskiptum.

Sterk auðkenning er krafa samkvæmt reglum Evrópusambandsins um greiðsluþjónustu. Hún tryggir að greiðslur séu sannvottaðar þegar viðskiptavinir staðfesta þær í netverslun, skrá sig inn í app eða nota netbanka.

3D Secure er lykiltæki í þessu ferli og er notað til að:

Staðfesta að sá sem notar kortið sé raunverulega skráður notandi þess.

Tryggja öryggi færslna á netinu þar sem kort eru ekki á staðnum.

Auka vernd í snertilausum færslum í gegnum snjallsíma eða posa.

Viðskiptavinir þurfa að sýna fram á hverjir þeir eru með því að velja tvær af þremur eftirfarandi aðferðum:

Lífkenni – t.d. fingrafar eða andlitsskanni á snjallsíma.

Lykilorð eða PIN – sem aðeins notandinn þekkir.

Rafræn skilríki – t.d. í síma, á korti eða með öryggislykli.

Þessar aðferðir vinna saman til að koma í veg fyrir falskar greiðslur eða innskráningar og veita öfluga vörn gegn netglæpum, sem hafa aukist samfara vexti netviðskipta.

Til að tryggja öryggi allra viðskiptavina krefst Straumur þess að söluaðilar notist við sterka auðkenningu í eftirfarandi þjónustum:

Netverslun – allar greiðslur í gegnum heimasíður.

Greiðslur á netinu – færslur í snjallsímum og öðrum rafrænum lausnum.

Sterk auðkenning verndar bæði söluaðila og viðskiptavini, eykur traust og dregur úr svikum. Við hvetjum alla söluaðila til að tryggja að þeir noti örugg og viðurkennd kerfi eins og 3D Secure í sínum viðskiptum.

Mikilvægi sterkrar auðkenningar í öruggum kortaviðskiptum

Við kynnum með stolti nýju Shopify viðbótina okkar! Nú geturðu tengt Shopify vefverslunina þína beint við örugga og einfalda greiðslusíðu Straums. 

Finna má leiðbeiningar um hvernig þú getur hlaðið niður og sett upp Shopify viðbótina hér.


Ef þú vilt byrja að taka á móti greiðslum með Straumi og Shopify getur þú haft samband við okkur á straumur@straumur.is.

Shopify viðbót Straums

Á nýrri greiðslusíðu Straums hafa viðskiptavinir möguleika á að greiða með korti, Google Pay og Apple Pay.

Greiðslusíðan er hönnuð með áherslu á einfaldleika og þægindi fyrir þína viðskiptavini. Með Google Pay og Apple Pay verður greiðsluferlið enn fljótlegra og einfaldara, sérstaklega fyrir þá sem kjósa að nota farsíma eða önnur snjalltæki. Viðskiptavinir þurfa aðeins að velja sinn uppáhalds greiðslumáta og ljúka greiðslunni á örfáum sekúndum.

Á þjónustuvefnum er hægt að stilla þinn lit og lógó sem birtist á greiðslusíðunni sem tryggir að hönnunin endurspegli þitt vörumerki og skapi góða upplifun fyrir þína viðskiptavini. 

Straumur leggur áherslu á öryggi og þægindi í hverri færslu. Öryggislausnir okkar tryggja hverja greiðslu með sterkri auðkenningu og nýjustu svikavörnum, svo viðskiptavinir geta treyst því að allar færslur séu öruggar og áreiðanlegar.

Ef þú vilt nýta þér greiðslusíðu Straums getur þú heyrt í okkur á straumur@straumur.is

Ný og betri greiðslusíða Straums

Hagkvæm og sniðug lausn til að taka á móti greiðslum á netinu

Greiðslutenglar henta þeim sem hafa einfalt vöruframboð eða vilja sérsníða vörukörfu sína að viðskiptavinum sínum - án þess að þurfa posa eða vera með sérstaka vefverslun eða app. Nú getur þú stofnað greiðslutengla á auðveldan hátt á þjónustuvef Straums.

Greiðslutenglar eru hlekkir á örugga greiðslusíðu Straums sem þú sendir beint á viðskiptavini þína. Tengillinn birtist sem vefslóð sem hægt er að afrita og áframsenda á korthafa. Greiðslutengillinn inniheldur verð og aðrar upplýsingar um vörur sem þú stillir á þjónustuvef. Tenglarnir geta verið ein- eða margnota, innihaldið afslátt og fleira.

Svona virka greiðslutenglar:

Þú stillir verð, vöru­­upplýsingar, afslátt og fleira á þjónustu­vef.

Viðskiptavinur gengur frá kaupum á öruggri greiðslusíðu Straums með korti, Google Pay eða Apple Pay.

Ef þú vilt nýta þér greiðslutengla, hafðu samband við okkur á straumur@straumur.is og við virkjum aðgang fyrir þig.


Greiðslutenglar Straums

Við erum ánægð að tilkynna að fyrstu Straums posarnir með hugbúnaði frá Adyen eru nú komnir í umferð hjá völdum söluaðilum, og hefur reynslan verið framúrskarandi.

Posateymi Straums verður til staðar til að tryggja að uppsetning og notkun á nýju posunum gangi snuðrulaust fyrir sig. Teymið er skipað sérfræðingum með áralanga reynslu af umsýslu posa- og veflausna. Skrifstofa og móttaka Straums er opin alla virka daga frá kl. 9:00 - 16:00, en einnig er bakvakt starfrækt sem sinnir neyðarþjónustu utan opnunartíma á kvöldin og um helgar.

Ekkert. Þegar það kemur að því að skipta út posa munum við hafa samband með góðum fyrirvara til að undirbúa skiptin. Ef þú vilt fá nýjan posa strax, getur þú sent okkur póst á straumur@straumur.is og við skipuleggjum útskipti sem fyrst. 

Með nýju posunum fylgir einnig ný verðskrá, sem við viljum kynna fyrir ykkur. Nýja verðskrá má sjá hér. Við hlökkum til að halda áfram að efla greiðsluþjónustu okkar með ykkur og tryggja að þið fáið þá þjónustu og tæknilausnir sem þið þurfið til að ná árangri.

Nýir Straums posar

Við hjá Straumi erum spennt að deila fréttum um fyrsta söluaðilann sem nýtir greiðslulausnir okkar í samstarfi við Adyen – Prís, ný og byltingarkennd matvöruverslun sem miðar að því að lækka verðlag á Íslandi

Prís hefur sett sér það markmið að vera ódýrasta matvöruverslun landsins og bæta hag heimila með því að bjóða lægsta mögulega verðið á mat- og dagvöru. Með því að endurskoða allar hliðar rekstrarins og einblína á að spara kostnað með nýstárlegri tækni og ferlum, er Prís að skapa nýja framtíð fyrir íslenskan markað.

Við erum einstaklega stolt af því að Prís, sem er að hrista upp í íslenskri verslunarmenningu, hafi valið að vinna með okkur hjá Straumi. Það sýnir traust á okkar greiðslulausnum, sem eru bæði öruggar og sveigjanlegar til að styðja við framfarir og nýsköpun í viðskiptum.

Við hlökkum til áframhaldandi samstarfs við Prís og að styðja við þeirra vegferð að bæta hag íslenskra heimila.

Prís tekur við greiðslum með Straumi

Straumur vinnur að því að skipta um færsluhirði og mun í framhaldi færa alla greiðsluvinnslu sína til Adyen. Með breytingunni mun Straumur efla greiðsluþjónustu sína enn frekar og veita söluaðilum sínum straumlínulagðari og skilvirkari greiðsluupplifun ásamt því að bjóða uppá fjölmargar nýjungar. 

Fyrstu Straums posarnir með hugbúnaði frá Adyen eru nú komnir í prófanir hjá völdum söluaðilum og gengur framar vonum. Gert er ráð fyrir að fara af stað með uppfærslu yfir í nýja posa í lok sumars. Vinna við að tengja veflausnir er komin vel á veg og ný glæsileg greiðslusíða og greiðslugátt ásamt helstu vefverslunar tengingum verða tilbúnar í haust.

Við hlökkum til að halda áfram að efla greiðsluþjónustu okkar enn frekar með okkar frábæru söluaðilum.

Nýir Straums posar í prófunum

Straumur hlaut á dögunum PCI DSS vottun (Payment Card Industry Data Security Standard). Vottunin er veitt fyrirtækjum sem viðhalda ströngustu stöðlum um öryggi og gagnavernd fyrir söluaðila og viðskiptavini þeirra.

PCI vottun er nauðsynleg fyrir þau fyrirtæki sem meðhöndla greiðslukortaupplýsingar, þar sem hún tryggir að viðkvæm gögn séu unnin, geymd og send á öruggan hátt. Með því að uppfylla strangar kröfur sem PCI öryggisstaðlaráðið hefur sett fram, stöndum við vörð um öryggi og traust í öllum þáttum starfsemi okkar

Innleitt hefur verið öflugt tæknilegt eftirlit og verklagsreglur til að koma í veg fyrir óviðkomandi aðgang að gögnum korthafa, viðhalda öruggum kóðunaraðferðum og vernda gegn spilliforritum og öðrum öryggisógnum. Að auki höfum við komið á ströngum stefnum og samskiptareglum til að tryggja öruggt umhverfi fyrir öll viðskipti.

Með því að fá PCI vottun geta viðskiptavinir okkar verið vissir um að greiðsluupplýsingar þeirra séu í öruggum höndum.

Straumur hlýtur PCI vottun sem tryggir örugg viðskipti

„Samstarfið við Adyen mun gera Straumi kleift að bjóða uppá nýjungar í greiðslumiðlun og auka verulega þjónustuframboð til viðskiptavina,“ segir Lilja Ólafsdóttir, framkvæmdastjóri Straums.

Straumur hefur skrifað undir samstarfssamning við hollenska fjártæknifyrirtækið Adyen um færsluhirðingu og vöruþróun á sviði fjártækni. Adyen er alþjóðlegt fyrirtæki í fjármálaþjónustu og sér meðal annars um greiðslur fyrir H&M, Spotify, Uber, Electrolux og Microsoft. Adyen, sem stofnað var árið 2006, er eitt fremsta fjártæknifyrirtæki heims á sviði stafrænna greiðslna, gagnastjórnunar og fjármálasamþættingar.

„Hjá Straumi erum við staðráðin í að bjóða uppá framúrskarandi greiðslulausnir fyrir söluaðila. Nálgun okkar gengur út fyrir hefðbundna greiðslumiðlun; við lítum á okkur sem samstarfsaðila viðskiptavina okkar og viljum hjálpa þeim að vaxa. Samstarfið við nýjan öflugan færsluhirði gerir okkur kleift að auka tæknilega getu og þjónustuframboð okkar verulega,“ segir Lilja Ólafsdóttir, framkvæmdastjóri Straums.

„Við hjá Adyen erum stolt af því að vinna með samstarfsaðilum sem drífa heim greiðslulausna áfram. Þess vegna erum við spennt fyrir að koma inná íslenska markaðinn í samstarfi við Straum sem færsluhirðir þeirra. Vöru- og þjónustuframboð Straums í greiðslumiðlun á Íslandi ásamt fjártæknilausnum okkar mun tryggja auðveldari, öruggari og einfaldari greiðslur fyrir íslenska neytendur um allt land,“ segir Tobias Lindh, framkvæmdastjóri Adyen Nordics & Baltics.

Straumur í samstarf við Adyen í greiðslumiðlun

Nýtt fjártæknifyrirtæki, Straumur greiðslumiðlun hf., sem hlaut þann 30. mars síðastliðinn starfsleyfi frá fjármálaeftirliti Seðlabanka Íslands sem greiðslustofnun, hefur starfsemi á næstu dögum. Straumur greiðslumiðlun hf. er dótturfélag Kviku banka hf. sem var stofnað eftir kaup Kviku á söluaðilasafni frá Valitor í tengslum við samruna Rapyd og Valitor. Söluaðilasafnið sem flyst til Straums er um 25% af íslenska færsluhirðingarmarkaðnum. 

Straumur mun bjóða upp á allar helstu lausnir greiðslumiðlunar, þar á meðal helstu posa- og veflausnir auk þess að kynna nýjungar á greiðslumiðlunarmarkaði á næstu misserum. Straumur gerir ekki kröfur um önnur viðskipti fyrirtækja. 

„Við erum spennt að hefja þessa vegferð með viðskiptavinum okkar. Það hafa orðið miklar breytingar í greiðslumiðlun á síðustu árum og enn eru mikil tækifæri til að bæta þjónustu við söluaðila og viðskiptavini þeirra. Við höfum sett okkur markmið um framúrskarandi þjónustu til að auðvelda söluaðilum lífið með einföldum og þægilegum lausnum og við hlökkum til að kynna nýjungar á markaðnum þegar fram líða stundir,“ segir Lilja Ólafsdóttir, framkvæmdastjóri Straums. 

„Með tilkomu Straums heldur Kvika áfram að umbreyta fjármálaþjónustu á Íslandi. Við viljum auka samkeppni í íslenskri greiðslumiðlun eins og við höfum gert á öðrum sviðum. Á undanförnum misserum höfum við fjárfest í uppbyggingu Straums með það að markmiði að auka tekjudreifingu Kviku. Það er ánægjulegt að sjá félagið hefja starfsemi og að fjárfesting okkar skili nýjum tekjum sem fela í sér tækifæri að byggja upp öflugt og arðsamt félag,“ segir Marinó Örn Tryggvason, forstjóri Kviku banka.

Nýr straumur í greiðslu­miðlun

Baby Blue (200)

Í vikunni sóttu um 150 manns stefnumót Kviku og Fjártækniklasans um fjártækni sem haldið var í samkomusal Kviku. Markmiðið með viðburðinum var að vekja athygli á grósku í fjártækni í dag og kynnast nokkrum af nýsköpunarfyrirtækjum Fjártækniklasans.  

Ólöf Jónsdóttir framkvæmdastjóri viðskiptabankasviðs, Sverrir Hreiðarsson forstöðumaður fjártækni hjá Kviku og Lilja Ólafsdóttir framkvæmdastjóri Straums héldu erindi ásamt átta fulltrúum félaga innan Fjártækniklasans. Fyrirkomulagið var með þeim hætti að félögin gáfu öll góða kynningu á sínu starfi en gátu um leið komið með hugmynd að fjártæknilausn fyrir Kviku eða kynnt möguleika sem hentaði fyrir samstarf.  Að kynningum loknum var boðið upp á léttar veitingar þar sem gestum og fyrirlesurum gafst kostur á að ræða saman.

Eitt af markmiðum Kviku er að auka samkeppni og umbreyta fjármálaþjónustu á Íslandi með því að hafa sameiginlega hagsmuni bankans og viðskiptavina að leiðarljósi.  Á viðburðinum kynnti Kvika spennandi nýjungar í fjártæknilausnum og aukið vöruframboð í Aur appinu sem er nú með yfir 100 þúsund notendur.

Nýjar fjár­tækni­lausnir kynntar á stefnu­móti um fjár­tækni

Neon

Sigurlaug Lilja Ólafsdóttir mun leiða nýstofnað dótturfélag Kviku á sviði greiðslumiðlunar. Markmið félagsins er bjóða fyrirtækjum upp á áhugaverðar lausnir og auka samkeppni í greiðslumiðlun og annarri fjármálaþjónustu. Lilja hefur víðtæka reynslu úr fjármálageiranum, nú síðast starfaði hún hjá Landsbankanum og leiddi þar innleiðingu og rekstur færsluhirðingar. Áður starfaði hún hjá Borgun og sinnti þar fjölbreyttum hlutverkum, síðast sem framkvæmdastjóri viðskiptavers, en hún starfaði einnig sem verkefnastjóri á upplýsingatæknisviði Borgunar. Lilja er með meistarapróf í fjármálum, M.fin frá HÍ, með áherslu á hagfræði ásamt BS gráðu í stærðfræði með áherslu á fjármál einnig frá HÍ. 

Marinó Örn Tryggvason, forstjóri Kviku banka:
„Það er mikill ávinningur og styrkur fyrir Kviku að fá Lilju til þess að leiða nýtt dótturfélag sem mun auka samkeppni á sviði greiðslumiðlunar. Víðtæk reynsla hennar mun koma koma sér vel og við erum stolt af því að fá jafn öfluga manneskju til þess að leiða félagið. Býð ég hana velkomna til starfa."


Lilja Ólafsdóttir, framkvæmdastjóri:
„Það er virkilega skemmtilegt að hefja störf hjá nýstofnuðu dótturfélagi Kviku á þessum spennandi tímum. Framundan eru stór og krefjandi verkefni þar sem þekking mín og reynsla munu nýtast vel. Ég hlakka mikið til að takast á við þessi verkefni með öllu því frábæra fólki sem starfar hjá bankanum.”

Við leysum flækjurnar, þú tekur við greiðslum

Fylgdu Straumnum í greiðslumiðlun

Ertu að skipta yfir í nýjar greiðslulausnir Straums?

Hafðu samband
og við finnum lausn

Fréttir

Straumur eflir greiðslulausnir í samstarfi við Adyen

Hvernig vilja viðskiptavinir versla?

Endurteknar greiðslur og áskriftir

Hvernig getum við aðstoðað?

Við leysum flækjurnar, þú tekur við greiðslum

Fylgdu Straumnum í greiðslumiðlun

Ertu að skipta yfir í nýjar greiðslulausnir Straums?

Hafðu sambandog við finnum lausn

Fréttir

Straumur eflir greiðslulausnir í samstarfi við Adyen

Hvernig vilja viðskiptavinir versla?

Endurteknar greiðslur og áskriftir

Hvernig getum við aðstoðað?

Hafðu samband
og við finnum lausn